زوجة سفيان الشعري تصف الممثل فرحات هنانة بالغدار وفرحات هنانة يرد

صرحت زوجة الممثل سفيان الشعري بطل أشهر سيتكوم في تونس « شوفلي حل » أن زوجها قد توفي وهو غاضب على الممثل فرحات هنانة بطل مسلسل نسيبتي العزيزة في دور المنجي وأكدت في برنامج فكرة سامي الفهري الذي يعرض على قناة الحوار التونسي أن فرحات هنانة قد غدر بزوجها وقد أكد الممثل فرحات هنانة ، في رده على تصريحات أرملة الفقيد سفيان الشعري، أنه هو والممثل يونس الفارحي من كتبا سيناريو “نسيبتي العزيزة”. وأضاف ان سوء التفاهم الذي وقع بينه وبين سفيان الشعري، كان بسبب النقاش حول عقد عمله قائلا “العام لول حتى حد من الممثلين ما ناقش العقد متاعو مع قناة نسمة كان سفيان خليناه هو بما انو اسم كبير في الميدان بش يناقش عقودنا ياخي فقت في العام الثاني الي هو ناقش كان لروحو هو و خذا أضعاف اجورنا و عندو الحق خاطرو ضارب و معروف ..اما هو غلطني قال القناة ما عندهمش فلوس و هو ما حكاش علينا بالكل.. انا خذيت 20 مليون بين سيناريو و تمثيل ياخي كي فقت بالحكاية قلت تو انا نولي اناقش عقدي وحدي مع القناة في الموسم الثاني و يمكن الحكاية هاذي غششتو..” وتوجه إلى أرملة الشعري قائلا “بربي مدام سهام تنجم تقلي فاش غدرتو انا راجلك رديتني عزرائيل نقتل في العباد..و هي حاجة ربي و قضاء و ساعتو حضرت و انا نعرف الي المرحوم كان عندو السكر و الضغط و مشى تضيف ليلتها عند العايلة الي ذكرتها و استدعاوني انا اما انا نحشم ما نجمتش نحضر.. يا مدام الي قاعدة تلوم بيه على الناس رديت بالك على راجلك و وقفت عليه في ماكلتو ليلتها اش ياكل و ما ياكلش ما فهمتش علاش بعد هالسنين الكل خارجة تحكي في حكاية غالطة”.

Auteur

rédacteur

Archives de l'auteur